Lett vattert regnparkas med ekstra ermlengde og ny, lett børsta overflate som gir eit mjukare og meir moderne uttrykk. 100 % vanntett og vindtett – perfekt for lange dagar ute i regn og ruskevêr.

Ein komfortabel regnparkas for deg som ønskjer litt ekstra lengde over handledda. Jakka passar spesielt godt til herre eller til deg som opplever at vanlege ermer blir litt korte.

Den nye, lett børsta overflata gir jakka eit mjukare uttrykk og ein meir matt finish enn tradisjonell glatt PU. Like vanntett som før – berre med eit litt lunare og meir moderne preg.

Jakka har sveisa saumar som held regnet ute dagen lang og det lette fôret på 40 gram gjer jakka komfortabel gjennom store delar av året – frå kjølige sommarkveldar til våte haust- og vinterdagar. Den store stormhetta kan justerast og skjermer godt når regnet kjem frå sida. Stormmansjettane held ermene på plass og bidreg til å halde vind og vatn ute. Praktiske brystlommer og sidelommer gir plass til det du treng gjennom dagen, medan gode refleksar framme, bak, på ermer og hette gjer deg meir synleg i mørket.

Ei påliteleg regnjakke for deg som likar livet ute – uansett vêr.